फुलांच्या चारोळ्या
---------------------------
१.
गुलाब
----------
रूप रंग छटा ,या किती तरी
लाल, पिवळा, काळा ,केशरी,
पांढरा ,गुलाबी, सारेच गुलाब
बागेत साऱ्या यांचाच रुबाब
--------------------------------------
२.
निशिगंध
--------------
नाजूक आकर्षक
मोहक गंधसुगंध
वाटत फिरे सुगंध
मित्र हा निशिगंध ...।
----------------------------
३.
मोगरा
-----------------
पांढराशुभ्र मोगरा
पाहुनी खुलतो चेहेरा
भुरळ घालीतो रसिका
मोगऱ्याचा सुरेख गजरा...!
-------------------------------------
४.
अबोली
---------------
विविध रंगातली
रंगीबिरंगी बोली
नाजूक पाकळी
गोडुली अबोली
---------------------------------
-अरुण वि.देशपांडे-पुणे.
---------------------------------
फुलांच्या चारोळ्या-
१.
गुलमोहर
---------------
कडक उन्हात
उभा दिमाखदार
लालकेशरी फुले
गुलमोहर बहारदार ।
----------------------------
२.
चमेली
-------------
नाजूक नाजूक
अलबेली नवेली
सर्वाची लाडली
आहे ही चमेली
----------------------
३.
पारिजात
---------------
नारंगी देठ सफेद फुल
पाहताक्षणी पडते भूल
अंगणात उभा पारिजात
पहाटे टाकतो फुलांचा सडा
-------------------------------
४.
झेंडू
--------
इटुकले पिटुकले लाल झेंडू
पिवळे धम्मक मोठे झेंडू
सणासुदीला मान यांचा
दारी शोभे माळेतले झेंडू
--------------------------------------
-अरुण वि.देशपांडे-पुणे.
-------------------------------------
No comments:
Post a Comment