साप्ता.चपराक-पुणे .अंक दि.२९-०१-२०१८ - कव्हर स्टोरी "चा बहुमान मिळालेला लेख.
लेख - ५० वर्षानंतर -श्री गुरुजनांची अविस्मरणीय दर्शन-भेट .
लेख - ५० वर्षानंतर -श्री गुरुजनांची अविस्मरणीय दर्शन-भेट .
ले- अरुण वि.देशपांडे
------------------------------ ------------------------------ ------------------------------ -
१९६५ ते १९६७ म्हणजे बरोबर ५० वर्षापूर्वी . , परभणीहून वडिलांची हैद्राबाद बँकेच्या गन फौंड्री.या मुख्य शाखेत बदली झाली आणि आमचा परिवार हैद्राबाद या मोठ्या शहरात आला .
सुलतानबाजार - बडीचावडी जवळ , ..हेल्थ -लीगच्या बाजूला .अरविंद गाजरे यांचे घर हा आमचा निव्वास पत्ता झाला , हेल्थ -लीग "ही लोकप्रिय असणारी व्यायामशाळा आणि आजच्या भाषेत म्हण्याचे तर "क्रीडा -संकुल ,आमच्या घराला लागून होते ,ही आमच्या घराची ठळक अशी खुण होती. हैद्राबाद मधील प्रसिद्ध मराठी शाळा आणि कोलेज "विवेक वर्धिनी " हे त्या संस्थेचे नाव , बाहेरगावाहून बदली होऊन आलेल्या आमच्या सारख्या मुलांना या शाळेत प्रवेश सहजा साहजी मिळत नसे ..त्यामुळे आमच्यासाठी जवळच असलेले सरकारी हायस्कूल काचीगुडा " सोयीचे होते ,
दहावी आणि -अकरावी " ही दोन वर्षे मी हैदराबादच्या सरकारी हायस्कूल काचीगुडा ..या शाळेत होतो ,
या काचीगुडा -हायस्कूल मध्ये ५ भाषांमधून शिकवले जात असे उर्दू, तेलगु , तामिळ ,हिंदी आणि मराठी .
टेन्थ- डी , आणि एलेवेन्थ - ई " यांच्या तुकड्या यात दोन्ही वर्षी ४०-४५ विद्यार्थी असावेत असे आता आठवते आम्हाला शिकवणारे शिक्षक .. जानराव देशपांडे , मधुकरराव गीराटे, पोहनेरकर , पुरोषोत्तमराव देशपांडे , गजानन लोके, काशीकर , लक्ष्मीकांत तोडेवाले , महाबळेश्वरकर बाई , बाम बाई ..ही नावे स्मरणात आहेत.
२००९ मध्ये म्हणजे ४२ वर्षांच्या प्रदीर्घ काळा नंतर ..अचानकपणे .कळाले की आमच्या त्यावेळच्या एच एस सी " वर्गात असलेले आम्ही ५-६ मित्र .पुण्यात स्थायिक झालेलो आहोत .. हा शोध लागल्या नंतर आम्ही नियामित भेटू लागलो ...
पुण्यात सध्या आम्ही सहाजण वास्तव्यास आहोत ..रवी जोशी -औंध , हरीश काशीकर - टिंगरे नगर , प्रदीप तुंगार - पौड रोड -कोथरूड , हे तिघे जन .डिफेन्स सर्विस मधून सेवानिवृत्त झालेले मित्र , हेमंत देशपांडे - सिंहगड रोड.हा डहाणूकर कोलोनितल्या कमिन्स मध्ये होता , चिंचवड मध्ये असणारा अशोक दळवी - बीएसएनएल मध्ये होता , आणि सुभाष काळे व मी -आम्ही दोघे जन स्टेट बँक ऑफ हैद्राबाद मधून रिटायर झालोत.
आमच्या एच एस सी झाल्याचे वर्ष आणि , आमच्या मैत्रीची पन्नास वर्ष पूर्ण झाल्याचे साक्ष होते.ते वर्ष -२०१७ .
अशाच एका भेटीत .. आमचा क्लासमेट आणि त्यावेळचा मोनीटर असणारा दिगंबर गवाणे पुण्यात आला ..त्याच गप्पात ठरवले गेले आणि पक्के झाले की जानेवारी महिन्यात आपण त्यावेळचे वर्गमित्र एकत्र येऊन आपल्या शाळेच्या आठवणी जागवू या ..
आणि त्या प्रमाणे ५-६-७ जानेवारी २०१८ ला आमचा छोटेखानी मेळावा हैद्राबाद मुक्कामी संपन्न झाला
हैदराबादचे स्थानिक मित्र - श्रीधर देशपांडे , विनोद रानडे , बाल मोहन दास , श्रीकांत नाईक , श्रीकांत कुलकर्णी , सुर्यकांत जोशी , सुर्यकांत पाठक ,हे मित्र आम्हाला येऊन मिळाले .
दिगंबर गवाणे यांनी आमच्या पाहुणचाराची चोख व्यवस्था केली, आणि आमची पुनर्भेट झकास साजरी केली
या भेटीचे मुख्य प्रयोजन होते ..आम्हाला ज्यांनी शिकवले अशा गुरूंना -सरांना समक्ष भेटणे ..आमची इच्छा ..मित्र -श्रीधर देशपांडे -दिगंबर गवाणे या मित्रांनी पूर्ण केली .खूप शोध घेऊन ..त्यांनी श्री.पाठक सर, आणि बीजगणित शिकवणारे काशीकर सर यांचे पत्ते आणि फोन नंबर मिळवले ..त्यांच्या या चिकाटीचे आणि परिश्रमाचे कौतुक करावे तितके कमीच आहे .
हैदराबादच्या दोन टोकाच्या दोन उपनगरात पाठक गुरुजी आणि काशीकर गुरुजी रहातात .एकाच दिवशी दोन्ही भेटी शक्य नव्हत्या ..मग आम्ही अगोदर पाठक गुरुजी ..वय वर्षे -८४ , यांच्या घरी गेलोत , ५ जानेवारीला संकष्टी -चतुर्थी होती ..दुपारी एक वाजता आम्ही पाठक सरांच्या घरी गेलो त्यावेळी सरांची पूजा चालू होती ..त्यांनी या या -बसा बसा असे हातांनी खुणावले ..पूजे नंतर त्यांच्या सोबत आम्ही सर्वांनी आरती केली
थोड्यावेळाने .. .मग पाठक सरांनी आमचे परिचय करून घेतले ..इतक्या वर्षानंतर त्यांचे माजी विद्यार्थी आठवणीने आवर्जून भेटण्यास येतात ..याचे त्यांना खूप अप्रूप वाटले, समाधान वाटले , शाल-श्रीफळ -मिठाई देऊन सरांचे "श्री गुरु-पूजन केले ", सरांच्या कुटुंबीयांनी आम्ही सरांच्या केलेल्या बहुमानाब्द्द्ल आमचे कौतुक केले . पदस्पर्श करून आम्ही एकेकाने सरांचे दर्शन घेतले त्यावेळी सरांनी आशीवार्द्पर -कल्याणकारक असे संस्कृतवचन म्हणीत आशीर्वाद दिले , आमच्या पाठीवरून फिरलेला त्यांचा हात, आणि उच्चारलेले आशीर्वाद स्तोत्र ..कानात आणि मनात साठवत आम्ही त्यांच्या घरून परतलो .
दुसरे दिवशी - अगोदर आम्ही सध्या आय.टी क्षेत्रातल्या उमेदवारासाठी श्रद्धास्थान म्हणून प्रसिध्द झालेल्या चीलकुर-बालाजी दर्शनास गेलो .. ज्यांना परदेशी नोकरीसाठी ,शिक्षणासाठी व्हिसा मिळावा अशी इच्छा असते ..असे इच्छुक इथे येऊन श्री बालाजी चरणी आपली इच्छा संकल्प सोडतात .. अशा इच्छुक भक्तांची संख्या रोज शेकडोनी वाढते आहे.. श्री बालाजी आपली इच्छा पूर्ण करतो " ,याची प्रचीती येत असल्यामुळे .."आता "व्हिसा -बालाजी " या नावाने सध्या चीलकुर-बालाजी प्रसिद्ध झालेला आहे..
दर्शन घेऊन आम्ही १२-१५ जन पन्नास किलो मीटर अंतरावर असलेल्या हैद्राबाद मधील दुसर्या एका उपनगरात गेलो , इथे श्री.काशिकार सर रहातात , "मोठ्या उत्सुकतेने सर आमची वाट पाहत आहेत " असे त्यांच्या मुलाने मेसेज केला ..
मोठ्या टाऊनशिप मध्ये काशीकर सर आपल्या मुलाकडे वास्तव्यास आलेले होते , मधूनच ते चारमिनार जवळ असलेल्या "शालीबंडा " एरियात असलेल्या त्यांच्या जुन्या घरी जाऊन राहतात ,इथे त्यांचे जुना गोतावळा आहे.
काशीकर सरांनी आमच्या लोकल मित्रांना .जुने संदर्भ दिल्यावर ओळखले ..आणि खूप आनंद व्यक्त केला , आमच्याशी बोलतांना ते जुन्या आठवणीत हरवून गेले , ते म्हणाले -
जीवनात सर्व गोष्टी आनंदाने सहन करा ,शांतपणे सगळ्या गोष्टींना सामोरे जात सामना करा ..दुख्हाची तीव्रता कमी वाटेल ..अनुभवाचे बोल सांगत असतांना सरांच्या चेहेर्यावर उमटलेले भाव म्हणजे त्यांच्या आयुष्य प्रवासाचे गंभीर दर्शन होते ,
सरांना अभिवादन करतांना आम्ही खूप भारावून गेलोत ,काय नि कसे बोलावे ? कारण मन भरून आलेले आहे हे जाणवत होते , काशीकर सरांचे .चिरंजीव , सुनबाई आणि दोन नातू ..निशब्द होऊन आम्ही विद्यार्थ्यांनी सरांचा केलेला सत्कार पहात होते , त्या सर्वांच्या नजरेत आमच्याबद्दल आपलेपणा दिसत होता.
भावना तर मनात असतातच , त्या कृत्द्न्तेने व्यक्त करण्याचे राहू देऊ नये , हे सुवर्ण-क्षण अनुभवणे नशिबात असावे लागते हे ही तितकेच खरे ...
पहा ना - पाठक सर, ८५ वर्षे , काशीकर सर ८३ वर्षांचे .आम्ही त्यांचे १२-१५ विद्यार्थी ..पन्नास वर्षानंतर त्यांना भेटायला गेलेलो , आम्ही सारेजण +६५ वयोगटातील . हे सगळच विलक्षण अनुभवलंय आम्ही .
मित्रा - दिगंबर गवाणे , श्रीधर देशपांडे .आणि हैद्राबादी मित्रांनो - आम्हाला तुमच्या सारखे मित्र आहेत " ही आमच्यासाठी खूप अभिमानाची गोष्ट आहे.
लेखा सोबत असलेला ग्रुप फोटो श्री.काशीकर सर यांच्या सोबतचा आहे.
------------------------------ ------------------------------ ------------------------------ ------------------------------ -------