लेखमाला -आठवणीतलं गाव - परभणी -
लेख - २१ वा -
गप्पाष्टक , रान शिन्या , रंग तरंग -
तीन पुस्तकांचे प्रकाशन - एक आठवण.
------------------------------
आठवणीतल्या गावातील अनेक आठवणी .मग कधी त्या व्यक्तीबद्दलच्या असतील , एखद्या वास्तू बद्दलच्या असतील ,या आठवणींना एक नवा उजाळा देणे आणि मनाला त्या क्षणांची अनुभूती देणे ..हा तसा म्हटला तर मोठाच भावनीक आनंद आहे . प्रस्तुतच्या लेखनांतून आपल्याला तो घेता येतोय असे मी समजून चालतो आहे.
परभणीचे साहित्य -जगत हे कधीच फक्त परभणी पुरते मर्यादित राहिलेले नाही..त्याने व्यापलेला अवकाश फार मोठा आहे ,अवघे मराठी साहित्य "यात परभणीचे नाव चांगल्या ठळक अक्षरातले आहे ", ही गोष्ट आपल्या मनाला आनंद देणारीच आहे.
१९८५ नंतर माझ्या सारखे अनेक नवोदित साहित्यिक परभणी शहरात वास्तव्यास आले , आणि लगेच इथल्या वातावरणात सहजतेने एकरूप झाले . मराठवाडा साहित्य परिषेद शाखा परभणी ..त्या वेळेसच्या कार्यकारणीत अनेक नवे कार्यकर्ते दाखल झाले . मसाप परभणी नेहमीच उपक्रमशील असते ", हे वाक्य त्यंनी अनेक उपक्रमाचे आयोजन करून सोदाहरण दाखवून दिले .
या कार्यकारिणीतील एक नव्या व्यक्तीने सर्वांचे लक्ष वेधून घेतले ..ही व्यक्ती होती दीपक हवालदार , परभणीच्या त्यावेळेसच्या साहित्यिक घडामोडीत यांचा मोठाच सक्रीय सहभाग आकर्षणाचा विषय झाला होता. साहित्यिक उपक्रम आणि साहित्यिक भेटी गाठी मुळे दीपक हवालदार सर्वांचे चांगले मित्र झाले "हे आश्चर्याचे नव्हते.
दीपक हवालदार आणि परिवार हिंगोलीचे रहाणारे ,आणि हिंगोली माझी सासुरवाडीचे गाव ..हवालदार परिवार आणि आमची सासुरवाडी .बसोले परिवार .दोन्ही खूप स्नेह संबंध असलेले परिवार ..त्यामुळे परभणीच्या वास्तव्यात दीपक हवालदार आणि परिवार यांचा सहवास माझ्यासाठी माझ्या बायकोच्या माहेरची माणसे असाच होता.
दीपक हवालदार यांनी त्यांचे बी.रघुनाथ प्रकाशन नुकतेच सुरु केले होते ..त्यावेळी त्यांनी प्रकाशित केलेली २-३- पुस्तके चांगलीच चर्चेत होती-
१.आम्ही काबाडाचे धनी - कविता इंद्रजीत भालेराव ,
२. तफावत - केशव बा. वसेकर
३. नाटककार बेंडे - व्यक्ती आणि वांग्मय - प्रा.भास्कर कुलकर्णी ,
परभणीकर साहित्यिक यांच्या साठी परभणीत साहित्य संमेलन होणे "हा एक परिचित साहित्यिक सोहोळा असे.अशातच
१९९३ या वर्षात आमच्यासाठी महत्वाची साहित्यिक घटना घडली ..त्याचे श्रेय दीपक हवालदार आणि बी.रघुनाथ प्रकाशन यांनाच आहे अशी माझी भावना आहे. त्याचे असे झाले की..
परभणीचे साहित्यिक-सुपुत्र बी.रघुनाथ यांचा स्मृती -दिन ०७ सप्टेंबर या निमित्ताने त्यांच्या ४० व्या स्मृती-दिनी म्हणजे ०७ सप्टेंबर -. १९९३ रोजी दुसरे - परभणी जिल्हा साहित्य सम्मेलन . लोकल परभणीला आयोजित केले गेले
या साहित्य संमेलनाच्या निमित्ताने दीपक हवालदार यांनी त्यांच्या बी.रघुनाथ प्रकाशना तर्फे ..३ नव्या लेखकांच्या पुस्तक प्रकाशनची घोषणा केली ..
हे तीन लेखक .आणि त्यांची पुस्तके -
.१.मंगेश उदगीरकर -ललित लेख- गप्पाष्टक २.देविदास कुलकर्णी -कथा संग्रह - रानशिन्या , आणि ३ -रा लेखक मी-अरुण वि.देशपांडे - कथासंग्रह - रंग तरंग.
या पुस्तकांची मुखपृष्ठे चित्रकार सूर्यभान नागभिडे यांनी तयार केली होती.
या पुस्तकांच्या निर्मितीची कथा चित्त-थरारक अशीच आहे ..जणू काल परवाच घडल्या सारखी वाटणारी ..
मंगेश उदगीरकर ,देविदास कुलकर्णी आणि मी ..तीन ही लेखक .आता पुस्तक रुपात प्रकाशित होणार या कल्पनेत ,एका अर्थाने हवेतच होतो . आमच्या तीनही पुस्तकाचे छपाई काम औरंगाबादच्या लेसर कॉम,अविम ऑफसेट, "यांच्याकडे होते ..
संमेलन ८-१५ दिवसावर आलेले ,आणि पुस्तकांची प्रगती समक्ष डोळ्याने पहावी , मजकुरात काही दुरुस्ती असेल तर ती समक्ष बसून करवून घेऊ "म्हणून मी आणि मंगेश उदगीरकर असे दोघे औरंगाबादला गेलो. पुस्तकाचे काम चालू होते त्या ठिकाणी गेलो .. मंगेश आणि देविदास या दोघांच्या पुस्तकांची स्क्रिप्ट आणि फायनल प्रुफ लगेच सापडली आणि त्यांचे तपासणीचे काम मार्गी लागले ..आमचा हा आनंद जास्त वेळ टिकला नाही.. कारण .नंतर .माझ्या कथा संग्रहाचे काहीच रेकॉर्ड ऑफिस मध्ये सापडले नाही , ..कोने- कोपरे शोधून झाले ,
जो तो एक दुसर्याकडे बोटे दाखवूत म्हणू लागला ..परवा तर होतं की इथं , आमचे तर अवसान गळाले ..शेवटी असे ठरले की ..काही उपयोग नाही, २ पुस्तके होतील ,त्यांचेच प्रकाशन करू , ३ रे पुस्तक ,काहीच कळत नाही ,द्या सोडून मग.पाहू ..
पण ओफिसातील एक पोरगा म्हणाला ..थांबा ..काल एक सेट वाचायला म्हणून माझ्या घरी घेऊन गेलो , आज परत आणायचा विसरलो ..ती फाईल नक्कीच या तिसर्या पुस्तकाची असणार . त्याचं नाव नाही लक्षात आता..
त्याचे ऐकून इतका वेळ माझा बंद झालेला आवाज ..एकदम खुलून आला ..मोठ्यांने म्हणलो..बाबा रे ..माझच पुस्तक आहे ते ..रंग तरंग ., पळत जा ..रिक्षा कर .आणि लगेच येरे बाबा ...
लगोलग ते प्रोगा ..आमच्यासाठी अक्षर-दूत .आला की परत.. त्याच्या हातात फाईल होती ..
मंगेश ने अधिरतेने फाईल घेत पाहिले ..मोठ्या आनंदात म्हणाला ..अरे अरण्या - तुझीच फाईल ए की बे ..!
च्यामारी ..सुटलो रे बाबा ..आता काही काळजी नाही .होतंय आपल काम ..लागू दे किती वेळ आता .डोन्ट वरी..
आणि मग मंगेश ने त्याच्या हातातील काळ्या बागेतील सुपारी आणि तंबाखूचा मस्त बार भरला ..आणि थेट संध्याकाळ पर्यंत एक आसन स्थिर चित्त होऊन आम्ही तीन ही पुस्तकाची प्रुफे ओक्के करून टाकली .
झालेले काम पाहून मंगेश म्हणाला ..यंव यंव रे यंव ..मायला आपण लेखकू झालोत की रे ..
त्या दिवशी .परभणीला जाण्यासाठी आम्हाला शिर्डी -करीमनगर ही आंध्र -प्रदेशची सुपर बस मिळाली खरी ..पण एक ही जागा शिल्लक नव्हती ..त्यामुळे थेट परभणी पर्यंत मी व मंगेशने गर्दीत उभे राहून तो प्रवास केला ..हे ५-६ तास आम्ही दोघच गाण्याच्या भेंड्या खेळत खेळत परभणीला पोंचलो ..नव्या पुस्तकाच्या आगमनाच्या बातमीने मन सुखावून गेलेले होते ..त्यामुळे प्रवासाचा शीण ..बिलकुल नाही..असो.
७ सप्टेंबर १९९३ .नटराज नाट्यमंदिर - दुसरे परभणी जिल्हा साहित्य संमेलन ..या संमेलनात आदरणीय प्राचार्य राम शेवाळकर सरांच्या हस्ते .. गप्पाष्टक - मंगेश उदगीरकर , रानशिन्या - देविदास कुलकर्णी , रंग तरंग - अरुण वि.देशपांडे , अशा तीन लेखकांच्या पुस्तकांचे प्रकाशन झाले ..
दीपक हवालदार आणि बी.रघुनाथ प्रकाशन .ही दोन्ही नावे आमच्या सर्वांच्या मनात कायम आहेत.
मित्र हो ..या सप्टेंबर मध्ये या संमेलन आठवणीस ,आमच्या पुस्तक प्रकाशन आठवणीस २५ वर्ष होतील ..एक गोष्ट आवर्जून सांगेन ..आज ही आम्ही तिघे ..मंगेश, देविदास आणि मी ..लिहिते साहित्यिक आहोत ..
परभणीच्या साहित्य जगाची आम्हास मिळालेली अद्भुत देणगी आहे.
पुढच्या लेखात असेच अजून काही....
------------------------------
लेखमाला -आठवणीतलं गाव - परभणी -
लेख - २१ वा -
गप्पाष्टक , रान शिन्या , रंग तरंग -
तीन पुस्तकांचे प्रकाशन - एक आठवण.
ले- अरुण वि.देशपांडे -पुणे.
मो-९८५०१७७३४२
------------------------------
No comments:
Post a Comment