कविता - काही कळेना ....!

कविता - काही कळेना … !
अरुण वि. देशपांडे -पुणे
-------------------------------------------------------------------------------
दिसती मख्ख्से हे चेहेरे भोवताली
खदखदे आत काय ?, काही कळेना …….॥

विपरीत झाली अवस्था ही आज सारी
झाली मने कोरडी , कुणी हळह्ळेना ……॥

जखमा होती मना नाजूक त्या कितीदा
वागू नये असे कळते , पण का वळेना ……. ॥

भोग आले वाट्यास , भोगणे ते चुकेना
जळते , त्यालाच कळते , कुणा कळेना ……. ॥

मन बोलते माझे , माझ्याशी वेळोवेळा
काय करावे अशावेळी , त्यास कळेना ……… ॥
--------------------------------------------------------------------------------------
कविता - काही कळेना …।
-अरुण वि. देशपांडे - पुणे .
-----------------------------------------------------------------------------------------