कविता - जीवनगाणे वाटे जणू आळवावरचे पाणी ...!

कविता -जीवनगाणे वाटे जणू अळवावरचे  पाणी ……… ॥
-अरुण वि. देशपांडे - पुणे
----------------------------------------------------------------
हे असे जीवनगाणे ,अशी जीवन कहाणी
जीवनगाणे वाटे जणू अळवावरचे  पाणी ……… ॥

मनात  जिद्द अनोखी ,वेडी तरी भोळीभाबडी
हारणे  कधी मंजूर नसते  ,जिंकण्याची आवडी
हे असे जीवनगाणे ,अशी जीवन कहाणी
जीवनगाणे वाटे जणू अळवावरचे  पाणी ……… ॥

विसरणार नाही कधी ,ती  तुझी  रे लढाई
घनघोर  आवेग तुझा , तू भासे एक शिपाई
हरने  अप्रिय तुजला  , मज प्रिय विजयकहाणी
जीवनगाणे वाटे जणू अळवावरचे  पाणी ……… ॥

वास्तवात नसे आता जरी अस्तित्व तुझे
स्मृतीत चिरंतन असते पूजन तुझे
आठव होतो तुझा अजुनी नयनी येते पाणी
जीवनगाणे वाटे जणू अळवावरचे  पाणी ……… ॥

हे असे जीवनगाणे ,अशी जीवन कहाणी
जीवनगाणे वाटे जणू अळवावरचे  पाणी ……… ॥
-------------------------------------------------------------------------------------------------
कविता -  जीवनगाणे वाटे जणू अळवावरचे  पाणी ……… ॥
-अरुण वि. देशपांडे - पुणे
---------------------------------------------------------------------------------------------