कविता -गाठी भेटी

कविता -गाठी- भेटी ….
--------------------------------------
शब्दरूपात भेटता कुणी
आनंद मनापासूनचा होतो
होत नाहीत भेटी समक्ष फार
असा तर आनंद घेता येतो …

वाढवला आपणच खरे तर
व्याप सारा हा भोवताली
भेटत नाही कुणी आता कसे ?
जीवा कासावीस वरखाली .

वाढली केव्हा कधी कुंपणे
स्व-" ची स्वतःच्या भोवताली
नाही लक्ष दिले याकडे आधी
आता का होतोय जीव वरखाली ?

वेळ आहे हाती अजुनी खूप
खुप काही छान करता येते
हात मैत्रीचा करू या पुन्हा पुढे
छान मैत्री नक्कीच करता येते …
----------------------------------------------
कविता - गाठी- भेटी ….
-अरुण वि. देशपांडे - पुणे .
--------------------------------------------