कविता - हे असे बरे नव्हे ...!

कविता - हे असे बरे नव्हे ...!
-अरुण वि.देशपांडे -पुणे
-------------------------------------------------------
चुका माणसे करतात
 माफ करणारे पण
माणसेच असतात मग
आडमुठे वागणे तुझेच
ठळकपणे भरते नजरेत
हे असे बरे नव्हे ...!---------।।१ ।।
गैर- समजाचे  रंगीत फुगे
किती यात रमणार तू
लोक मान देतीलही तुला
असेल तो तुझ्या कलेला
जाणीव ठेव या भावनेची
हे असे बरे नव्हे ....!............।। २ ।।
तुला कळत नाही का फरक
सुखावणे आणि दुखावणे यातला ?
आपला मानला ज्यांनी तुजला
तटकन तोडलेस तू  -त्यांना
हे असे बरे नव्हे ...!------------।।३ ।।
बोलणार नव्हतो मी हे काही ,
मनाने सांगितले मला ,
मित्र म्हणवतोस ,गप्प पहातोस .
हे असे बरे नव्हे....!--------------।।४ ।।
---------------------------------------------------------------------------------
कविता - हे असे बरे नव्हे ...!
-अरुण वि.देशपांडे -पुणे