कविता - स्त्रीला घेऊ समजून ...!

महिला-दिनाच्या  निमित्ताने -
कविता - स्त्री ला  घेऊ समजून ...!
-अरुण वि.देशपांडे -पुणे.
----------------------------------------------------------------------
स्त्रीत्वाचा तिच्या कधी
नका करू  अपमान
असावा हो अभिमान
मनी मानसी आपुल्या ....।।
तिचा  वावर नानारुपात
म्हणून अर्थ आयुष्यात
विसरू नका  हे सारे
असुद्या सदा ध्यानात ...!!
वर्षातुनी  हा  एकदा 
भावनांचा  महापूर
शब्दांचे  पतंग आकाशी
दिसती छान -सुंदर  ........!!
वेदना -दु:क्ख  मनीची
व्यथा घेऊ समजून
संवाद साधू तिच्याची
स्त्रीला घेऊ  समजून .........!!
--------------------------------------------------------------------------
कविता - स्त्रीला घेऊ समजून ....!
-अरुण वि.देशपांडे ---पुणे
--------------------------------------------------------------------------