कविता - महिला दिन निमित्ताने ..!
-अरुण वि.देशपांडे
-----------------------------------------------------------------
स्व-कर्तुत्वाची लखलखीत ठसा
हर एक क्षेत्रात तिने नोंदवला
करू या कौतुक तिचेच आजला
महिला दिनाच्या निमित्ताने ...!
एरव्ही असतोच शब्द-संकोच
मन नसे मनमोकळे तेव्हढे
अशोभनीय हे वागणे, सांगावे लागते
महिला दिनाच्या निमित्ताने ...!
गुणगान करावे ,सलाम करावे
स्त्री-च्या अफाट कार्यक्षमतेला
का द्यावे लागती पुरावे -दाखले ?
महिला दिनाच्या निमित्ताने ..!
स्त्री -रूपांचे दर्शन तसे तर
रोज सर्वांना घडत असते
डोळ्यांनी फक्त पाहिले जाते
महिला दिनाच्या निमित्ताने ..!
-------------------------------------------------------------------------------
अरुण वि. देशपांडे -पुणे.
मो-९८५०१७७३४२
-----------------------------------------------------------------------------------
No comments:
Post a Comment