कविता - " हे रसिका "

Edit

कविता - " हे रसिका "

by Arun V. Deshpande on Tuesday, May 8, 2012 at 9:23am ·

रसिकजन हो-  नमस्कार , " एक आठवण.....!
आज दि.८ मे , मागच्या वर्षी याच दिवशी
माझ्या "मन डोह" या कविता संग्रह्चे प्रकाशन ,
डा.विकास कशाळकर यांचे हस्ते संपन्न झाले.
त्या निमित्ताने संग्रहातील एक कविता सादर करीत आहे.
---------------------------------------------------------------------------
कविता - हे रसिका ...!                                                      -अरुण वि . देशपांडे.-पुणे.
------------------------------
जखमा उरीच्या साऱ्या
दाखवू कुणास कशा
घालील फुंकर कुणी
ठरली रे वेडीच आशा ....||
मनास जाणेल असा
जिवलग नाही कुणी
ऐकेल आतले असा
भेटलाच नाही कुणी ......||
कैफियत माझी कितीदा
कवितेत मी मांडली
कोरड्या ठप्प जगाने
पाठ की फिरवली .........||
तूच भेटला रसिका
रंगात माझ्या रंगला
घेतला जाउनी अर्थ
अनर्थ दूर ठेविला ........||
सांगितले तुज रसिका
किती हलके वाटले
मन होते भटकले
तेच तू सावरले ...........||
---------------------------------------------------------------------------------------
कविता - " हे रसिका "                                          -अरुण वि.देशपांडे -पुणे
"मन डोह - या कविता संग्रह्तील कविता .
--------------------------------------------------------------------------------------------

कविता - " हे रसिका "