कविता- संकल्प - समर्थ चरणापाशी ...! ||

कविता- संकल्प - समर्थ  चरणापाशी ...! ||                                                     अरुण वि.  देशपांडे  -पुणे                           
-------------------------------- -----------------------------------------------------------------------------                                            
दिवस एक  छान उजाडला
संकल्प मनाशी हो  योजिला
वंदन करुनी स्वामी समर्था
आरम्भ करूया वागण्याला........!||1 ||
दुखावतील कुणी बोलण्याने 
टोकदार  बोलायचे नाही
जिव्हारी लागेल कुणाच्या ते
झोंबणारे बोलयाचे नाही ........! || 2||
मनाच्या ओढीने यावीत हो
माणसे आपली म्हणवणारी
आपुलकी याच साऱ्यांची हो
 उमेद जगण्यास देणारी  ..........! || 3||
अडचणीत सापडता कुणी
मदतीस जावे त्याच्या सदा
हात करावे पुढती त्याच्या
संकटातूनी  बाहेर काढण्या ........!||4||
नित्य प्रार्थना करु आपण सारे
समर्थ चरणांपाशी हो
द्यावी सद्विवेकबुद्धी आम्हालागी
विचार आणि आमच्या आचरणाला ....!||5||

-------------------------------------------------------------------------------------------------------------------
कविता- संकल्प - समर्थ  चरणापाशी ...! ||                                             अरुण वि.  देशपांडे  -पुणे
--------------------------------------------------------------------------------------------------------------------------