लेखमाला - आठवणीतील गावं - परभणी .
लेख-६ वा -
डॉक्टर यु आर दी बेस्ट ...!
ले- अरुण वि.देशपांडे
------------------------------
नमस्कार मित्र हो ,
गेल्या आठवड्यातील लेखास इंटरनेटवरील वाचकांनी सुद्धा तुमच्यासारखाच भरभरून प्रतिसाद दिलाय, तुम्हा सर्वांचे मन:पूर्वक आभार मानतो.
आजच्या लेखात आदरणीय अशा डॉक्टर असलेल्या माझ्या एका मित्राबद्दल व्यक्त होणार आहे ,
हे आहेत तुमच्या माझ्या सर्वांच्या परिचयाचे ...
- डॉ गिरीश .वेलणकर .
परभणीच्या माझ्या वास्तव्यात मला हे अतिशय निष्णात डॉक्टर, एक मित्र म्हणूनही लाभले .
" जीवनविषयक अतिशय स्पष्ट दृष्टीकोन , जीवन-मुल्यांचा सचोटीने आणि निर्धाराने पुरस्कार करण्याचा ध्येयनिष्ठ स्वभाव , विचार आणि आचार या दोन्हीत एकरूपता असली पाहिजे .असे नेहमीच आपण ऐकतो, वाचतो पण याची प्रत्यक्ष्य अनुभूती . . मी नेहमीच घेतली आणि तितकीच ती डॉ.वेलणकर यांच्या सहवासात अनुभवली .
ऑक्टोबर -१९८६ मध्ये २१ वर्षांच्या प्रदीर्घ अशा काल-प्रदक्षिणे नंतर पुन्हा परभणीला आमची वापसी झाली ,
आणि ..जुनी हैद्राबाद बँक कॉलोनी - , रामकृष्ण नगर .पेट्रोल पंप च्या मागे .वसमत रोड .परभणी असा आमचा पोस्टल पत्ता झाला .वडिलांच्या काळातील ही कॉलनी ..इथे आमचे प्रशस्त घर होते , त्यातील चार रूम मध्ये बँकेतील एक ऑफिसर आणि पारिवारिक घरोबा असलेले .भीमाशंकर पाठक परिवारासहित रहात होते ,आणि बाजूच्या तीन रुमच्या ब्लॉक मध्ये बँकेतील सहकारी मित्र .श्री .गिरीश कऱ्हाडे त्यंच्या फमिली सहित राहत होते ..(..ता. क...आजचा नामवंत व लोकप्रिय कलाकार ..संकर्षण कऱ्हाडे याचे आई-बाबा ....) .
आमच्या येण्याने गिरीशराव स्वगृही परतले .आणि आम्ही परभणीत आमच्या या घरात नव्याने स्थिर होऊ लागलो.
नव्याचे नौ - दिवस सरले .मुलं लहान होती ..त्यांचे आजारी पडणे ,खेळतांना पडणे -मार लागणे हे सगळे यथासांग सुरु झाले त्यामुळे डॉक्टर शोधणे .हे आलेच ..पण हा प्रश्न पडण्य आधीच सर्वांनी सोडवला ,.माझ्या परिचयातील त्यावेळच्या सर्वंनी एकमुखाने .
डो.गिरीश नारायणराव वेलणकर हे एकच एक नाव सुचवले,आणि सांगितले
..त्या प्रमाणे ..आम्ही सहपरिवार त्यांचे नोंदणीकृत पेशंट झालो ..हे आज ही मोठ्या सन्मानपूर्वक भावनेतून सांगू इच्छितो .
डॉ.वेलणकरच्या व्यक्तिमत्वाचा प्रभाव नंतरच्या प्रत्येक भेटीत पडत गेला , अजून मी त्यांच्या या "सरस -व्यक्तिमत्वाच्या .प्रभावाखाली जसाच्या तसा आहे.
माझ्या आठवणी प्रमाणे सुरुवातीला काही दिवस .गांधीपार्कला वेलणकरांचा दवाखाना होता , पुढे तो रामकृष्ण नगरच्या बँक कॉलोनीच्या शिवाजी कॉलेजच्या बाजूने येणाऱ्या आतल्या रोडवर होता ..पुढे काही वर्षांनी त्यांनी स्वतःच्या बंगल्यात ..पुढच्या भागात दवाखाना सुरु केला .. अनेक वेळा फमिली सहित पेशंट म्हणून माही त्यांच्या समोर बसायचो ..त्यावेळी आमची स्थिती " मोठ्या सरांच्या प्रश्नांची उत्तरे देणाऱ्या आज्ञाधारक विद्यार्थी " अशी होऊन जात असे ...
एक आठवण अशीच आहे...
थंडी वाजून आलीय म्हणून दाखवून यावे म्हणून आलेलो मी , त्यांच्याशी बोलतांना विसरूनच गेलो , की थोड्यावेला पूर्वी हूड हुडी भरल्या अंगाने मी इथे आलो , कशासाठी आलोय .हे ऐकून घेत .डॉ.वेलणकर असे काही सस्मित चेहऱ्याने पहात की ..तिथल्या तिथे आम्हाला वाजणारी थंडी जणू थंडगार होऊन जायची.,
माणसाने किती व्यवस्थित आणि शिस्तशीर असाव ? मित्रानो ..डॉ.वेलणकर यांना भेटा .तुमचे मन संतोष पावेल.
वेलणकर माझ्या साठी फक्त एक डॉक्टर नाहीत .. एक व्यासंगी आणि अभ्यासू वाचक आहेत,साहित्य विषयक त्यांची स्वतःची एक स्वच्छ आणि ठाम अशी भूमिका आहे " , हे मला अनेक वेळा त्यांच्या सहवासात जाणवले.
त्यांचा आणि त्यांच्या समविचारी मित्रांचा एक वाचक ग्रुप आहे .. या माध्यमातून त्यांची वाण्ग्मयीन जडण-घडण अतिशय जाणीवेची झाली आहे असे मला वाटते .त्यांचा साहित्यिक आणि लेखन प्रवास "या जाणिवांच्या मार्गावरून चालू आहे
त्यांच्या बरोबर अनेकदा साहित्य-विषयक संवाद भेटीचा आनंद मी घेतला आहे .१९८८ नंतर मी श्रीराम नगर बँक कॉलोनीतल्या "वरदान " या घरात वास्तव्यास गेलो . श्रीराम नगर मध्ये आम्ही सर्व मिळून सांस्कृतीक कार्यक्रम करीत असुत , यातील कार्यक्रमाना यावे अशी आमची विनंती डॉ.वेलणकर नेहमीच मोठ्या आपलेपणाने मान्य करीत .याचे कारण म्हणजे .आमची कॉलोनी त्यांची फक्त पेशंट नव्हती .तर त्यांची "FAN " होती .या उत्सवात त्यांच्या स्वाक्षरीचे प्रमाण -पत्र " आज २५ वर्षा नंतर ही श्रीराम नगर मधील मित्रांच्या संग्रही मोर-पिसा सारखे जपून ठेवलेले सापडेल.
डॉ.वेलणकर यांच्या सारख्या विचक्षण -वाचकाच्या संग्रहात माझी पुस्तके आहेत ,माझ्यातील साहित्यिकाला हे गोष्ट खूप आनंद देणारी आहे.
स्वामी विवेकानंद साहित्य दहा खंड ,आणि हिंदी अनुवाद ग्रंथ ही अनमोल अशी ग्रंथ संपत्ती केवळ डॉ.वेलणकर यांच्यामुळे लाभली .
नंतर नंतर काय झाले की .. आम्ही आमच्या मूळ स्वभावावर गेलोच .... शेवटी आमच्या सारखे बेशिस्त ..आणि वेळेनुसार न वागू शकणार्या पेशंटला डॉ.वेलणकरांनी अगदी साभार आणि सविनय साभार परत पाठवले , याचा अर्थ असा नाही की ..पुन्हा आम्ही कधी एकमेकांना भेटलोच नाही ..
अनेक कार्यक्रमात ..हसतमुख डॉ.वेलणकर यांची भेट होत असे.आणखी एक खास आठवण आहे ती त्यांच्या सामाजिक कार्याची ..त्यांच्या मुळे आम्ही विद्यार्थ्यांना मदत करू शकलो , त्यांचा निरोप आला की, श्रीराम नगर तर्फे यथाशक्ती या मदत कार्यात आमचा सहभाग व्हायचा .
मला आठवते .२००२ -२००३ मध्ये .परभणी .मुख्य शाखेत ..खास बँक कर्मचार्यासाठी डॉ.वेलणकर आणि डॉ.सतीश बापट सर यांनी दोन आठवड्यांचे एक बिशेष योग-साधना शिबीर घेतले होते ...वेळ सकाळची ..५.३० चे असावी ..अशी आरोग्यदायी पहाट माझ्या आयुष्यात तरी पुन्हा आली नाही , त्या शिबिरात डॉ.वेलणकर यांनी सर्वांना एक सचित्र पेपर दिला होता ..जो पाहून योगासने सहजतेने करता येतात ,
डॉ.वेलणकर ..अहो.. योग योगाने हा सचित्र पेपर अजून माझ्या जवळ जसाच्या तसा आहे .,पण ! पुढचे ..तुम्हाला काय सांगावे ? जाऊ द्या .
सर्वार्थाने " परभणी -भूषण " शोभावेत असे डॉ.वेलणकर माझे मित्र आहेत ही माझ्यासाठीचे मोठेच "भूषण" आहे.
डॉ.गिरीश वेलणकर " यु आर दि बेस्ट ...!
------------------------------
लेख-६ वा -
डॉक्टर यु आर दी बेस्ट ...!
ले- अरुण वि.देशपांडे -पुणे.
मो- 9850177342
No comments:
Post a Comment