कविता - खरच तू छान आहेस ..... !

कविता - खरच तू छान आहे…!
-अरुण वि . देशपांडे - पुणे
------------------------------------------------------------------------
फोटोतली तू छान आहे
खरी अधिक छान आहे
खोटे तर मुळीच नाही
हे मनापासूनचे आहे …
डोळ्यात पहा चित्र तुझे
खरच  तू  छान आहे ………!

कौतुक करण्या सदाच
शब्द अपुरे ते पडती
ज्याच्या साठी ते असती
त्याला फुलापरी वाटती
तुझ्यासाठी  शब्दफुले आहे
खरच  तू छान आहे.… ……।

डोळ्यांनी पाहशी जेजे
खरेच नसते जराही ते
मनाला जाणवेल तुझ्या
तेवढे सारे खरे आहे
मला एक सांगायचे आहे
खरच तू छान आहे ………. … !
---------------------------------------------------------------------------------------------------
कविता - खरच तू छान आहे …।
-अरुण वि. देशपांडे - पुणे .
-------------------------------------------------------------------------------------------------------