कविता - याला काय म्हणावे ..?

कविता - याला काय म्हणावे ..-?
-अरुण वि. देशपांडे -पुणे.
--------------------------------------------------------------
मनातले साचून ठेवायचे  खोलवर ते
अन खोटे खोटे  रोजच  हसायचे
फसवत स्वतहाला जगवायचे
याला काय म्हणावे...?
दुसर्यांना  चांगले  म्हणणे  अवघड  वाटते
घेण्याच्या  बदल्यात , देणे  नकोसे वाटते
टिमकी स्वत:ची  वाजवणे आवडे  सदा
याला काय म्हणावे ..?
भोवतालचे  वाईट सारे ,मीच तेवढा  चांगला
जो दिसला त्यास  नेहमी वाईट ठरवला
सगळ्या ठिकाणी मी, आग्रह हा..
याला काय म्हणावे ?,
बोलण्यास शब्द असुनी ,अबोला का धरावा
सहवास असतांना ,त्यात  दुरावा  का यावा
क्षण आनंदाचे सोडून, शोक करतो पुन्हा
याला काय म्हणावे ?
-------------------------------------------------------------------------------------------------------
कविता - याला काय म्हणावे...!