कविता - थांबवा समर्था अवघा हा गोंधळ ....!

कविता - थांबवा समर्था अवघा हा गोंधळ......!
-अरुण वि.देशपांडे -पुणे.
------------------------------------------------------------------------------------------------
सद्गुरु समर्था आहे तुम्हास
चिंता  साऱ्या  विश्वाची सकळ
बघा जरा माझ्या कडेही,  झाला
मनाचे ठायी  अवघा हा  गोंधळ .....!
कोण आपला ,कोण नाही, कळेना
काय करावे , काय नाही , सुचेना
मिळाले जरी थोडे , हवे  पुष्कळ
मनाचे ठायी  अवघा हा गोंधळ ........!
अधीर मनाचे कौतुक आम्हा भारी
करतो याच्यासाठी  आम्ही  लाचारी
शांत नसे कधी ,सदा करी वळवळ
थांबवा समर्था अवघा हा गोंधळ .........!
---------------------------------------------------------------------------------
कविता - थांबवा समर्था अवघा  हा गोंधळ ...!
-अरुण वि.देशपांडे -पुणे.
--------------------------------------------------------------------------------------------------